“Ет бағасы енді өспейді“ - ауыл шаруашылығы министрі
“Ет бағасы енді өспейді“ - ауыл шаруашылығы министрі
Фото: depositphotos.comҚазақстанда ет бағасы қымбаттамайды. Бұл туралы Үкімет отырысында ауыл шаруашылығы министрі Айдарбек Сапаров мәлім етті, - деп хабарлайды Tengrinews.kz.
"Елімізде мал басы 17% өсіп жатыр. Бұрын 7 млн 900 мың бас болса, қазір 8 млн 700 мыңға жетті. Өсу құнын айтатын болсақ, бұрын малдың тірідей бағасы – 1200-1500 аралығында болатын, қазір 1700-1800-ге дейін өсті. Өйткені дәрілеуі, суы, жемі бар. Ет күйінде баға 200-300 теңгеден 500 теңгеге дейін өсуі мүмкін, одан ары қарай өспейді. Фермерлердің өткізіп жатқан орташа көтерме бағасы 3200-3500 теңге аралығында, ары қарайғы баға нарықтағы сатушыларға байланысты", - деп атап өтті министр.
Айта кетейік, бүгін Қазақстанда сиыр еті бойынша сенім телефоны ашылғаны хабарланды. Министрлік мәліметінше, жедел желі халық және бизнеспен кері байланысты күшейтуге, азық-түлік нарығында ашықтықты арттыруға, сондай-ақ жергілікті жерлерден түсетін дабылдарға дер кезінде әрекет етуге арналған.
