"Бұл – ескі тәсіл": Қазақстанда әлеуметтік маңызы бар азық-түлік бағасын реттеу тоқтатылады
Фото: freepik.comСауда және интеграция министрі Арман Шаққалиев елімізде әлеуметтік маңызы бар азық-түлік тауарларының (ӘМАТ) бағасын реттеу жүйесі біртіндеп жойылатынын мәлімдеді. Бұл туралы Stan.kz ақпарат агенттігі хабарлайды.
Министрдің сөзінше, енді азық-түлік атаулы әлеуметтік көмек алатындарға жеңілдікпен беріледі.
"Әлеуметтік маңызы бар азық-түлік тауарларынан бас тарту жоспары бар. Бұл – ескі тәсіл, қазіргі жағдайға сәйкес келмейді. Себебі, біз өндірушілерге қандай баға қою керектігін, қанша үстемеақы қосу керектігін тікелей белгілеп, тізімдер құрамыз. Сондықтан Ақкөл, Көкшетау және Павлодар қалаларында жаңа жүйе азық-түлік ваучерлері пилоттық режимде сынақтан өтіп жатыр. Бұл жүйе атаулы әлеуметтік көмек (АӘК) алатын азаматтарға арналған. Ваучер арқылы мұқтаж жандар азық-түлікті жеңілдікпен сатып ала алады.
Біз нарықтық құралдар мен механизмдерді қолдануымыз керек. Бұл шын мәнінде тиімдірек модель. Ол негізгі өндірушілерге де, тұтынушыларға да, яғни барлық қатысушыларға тиімді жағдай жасайды”, – деді ол.
Біз нарықтық құралдар мен механизмдерді қолдануымыз керек. Бұл шын мәнінде тиімдірек модель. Ол негізгі өндірушілерге де, тұтынушыларға да, яғни барлық қатысушыларға тиімді жағдай жасайды”, – деді ол.
Шаққалиев пилоттық жобаны биылдың соңына дейін жалғасатынын жеткізді. Ал 2026 жылы оның таралымы кеңейтіледі екен.
