Қазақстанның бес қаласында ауа сапасы нашарлайтыны ескертілді
Фото:depositphotos.com12 қыркүйекте Қазақстанның бес қаласында қолайсыз ауа райы күтіледі, - деп хабарлайды Tengrinews.kz.
"2025 жылғы 12 қыркүйекте Балқаш, Ақтөбе, Алматы қалаларында, түнде Астана, Атырауда қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді", - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
