Қазақстанның төрт қаласында метеорологиялық жағдай қолайсыз болады
Фото: depositphotos.comҚазгидромет 14 маусымда Қазақстанның төрт қаласында метеорологиялық жағдай қолайсыз болатынын ескертті, - деп хабарлайды Tengrinews.kz.
"2024 жылғы 14 маусымда Ақтөбе, Қостанай, Петропавл, түнде Атырау қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді", - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
