Қазақстанның жалпы ішкі өнімі сегіз айда 6,5%-ға өсті

Сауда, өнеркәсіп және байланыс салаларындағы оң динамика өсімнің негізгі факторлары болды

Фото: istockphoto.com

Ұлттық статистика бюросының жедел дерегі бойынша 2025 жылдың сегіз айында Қазақстанның ЖІӨ өсімі 6,5%-ды құрады, деп хабарлайды Azattyq Rýhy.

Сауда, өнеркәсіп және байланыс салаларындағы оң динамика өсімнің негізгі факторлары болды.

«Өнеркәсіп 7,6%-ға өсті. 2024 жылдың сәйкес кезеңімен салыстырғанда өсім 6,5%-ды құраған өңдеу секторындағы өсім қарқынының жеделдеуі байқалды», - деп жазылған Экономика министрлігі таратқан хабарламада.

Өңдеу өнеркәсібінің негізгі драйверлері:

машина жасау (+15,1%),

тамақ өндірісі (+10,1%),

мұнай өңдеу (+7,6%),

химия өнеркәсібі (+7,5%),

металлургия (+1,1%) салалары.

Сауда негізінен көтерме сауда есебінен 8,9%-ға өсті, оның саладағы үлесі 66,6%-ды құрайды. Ең жоғары өсу қарқыны:

Шымкент (+21,3%),

Шығыс Қазақстан (+5,7%),

Жетісу (+0,6%) облыстарында тіркелді.