Қазақстанда қылмыс 13%-ға азайды
Фото: istockphotoІшкі істер министрі Ержан Сәденов Қазақстанда қылмыс 13%-ға азайғанын мәлімдеді, деп хабарлайды үкімет.Күн сайын 14 мыңнан астам полиция қызметкері мен Ұлттық ұланның әскери қызметшісі қоғамдық тәртіпті сақтауға жұмылдырылады.Полиция 10 мыңнан астам қылмысты ашып, 10 млн-ға жуық әкімшілік құқық бұзушылықтың жолын кескен.
"Алдын алу шараларының арқасында қылмыс саны 13%-ға төмендеді. Бұл өткен жылмен салыстырғанда 9 мыңға аз. Кісі өлтіру, қарақшылық, тонау, бұзақылық, ұрлық және мал ұрлығы азайды", - деп Ержан Сәденов.
Оның айтуынша, бұрын сотталғандар жасайтын, қоғамдық орындарда және қару-жарақпен жасалатын қылмыстық құқық бұзушылықтар саябырсыған.
"Алаяқтардың 2,2 млрд теңге көлеміндегі қаражатты есеп-шоттардан шығарып әкету әрекеттерінің жолы кесілді. Сонымен қатар азаматтардың құқықтық және қаржылық сауаттылығы да артып келеді", — деді Ержан Сәденов.
