Қазақстан азаматтығын алу үшін мемлекеттік тілді білуге қойылатын талап өзгерді
Фото: gov.kzҚазақстан азаматтығына құжат тапсыру кезінде мемлекеттік тілді білуге қойылатын талаптар өзгерді. Бұл туралы Stan.kz ақпарат агенттігі хабарлайды.
Ғылым және жоғары білім министрінің міндетін атқарушының бұйрығымен Қазақстан азаматтығына қабылдау немесе қалпына келтіру кезінде мемлекеттік тілді бастауыш деңгейде, елдің Конституциясының негіздерін, Қазақстан тарихын білу көлеміне өзгерістер енгізілді. Оған сәйкес:
– мемлекеттік тіл – 15 балдан;
– Қазақстан Конституциясы негіздері – 20 балдан;
– Қазақстан тарихы – 15 балдан кем болмауы тиіс.
Бұйрық 2025 жылы 26 тамызда күшіне енеді.
Бұған дейін мемлекеттік тілді бастауыш деңгейде білуден кемінде 36 балл, Конституция негіздерінен кем дегенде 9 балл, Қазақстан тарихы бойынша кем дегенде 15 балл жинау қажет еді.
