Елімізде алғаш рет спорттық құзға өрмелеуден Азия кубогы өтеді
фото: Спортты дамыту дирекциясы2025 жылғы 29-31 тамыз күндері Алматыда спорттық құзға өрмелеуден Азия кубогы өтеді, деп хабарлады Elordainfo.kz.
Спортты дамыту дирекциясының мәліметінше, құрлықтық бәсекеге 10-нан астам елдің спортшылары бақ сынайды. Байрақты бәсеке «Шабыт» жазғы амфитеатрының маңайында өткізіледі.
Турнирге Қазақстан, Қытай (Гонконг), Үндістан, Иран, Жапония, Сингапур және Корея Республикасының ұлттық құрамалары қатысады.
Алматыға әлемдік рейтингтің алдыңғы қатарында тұрған Азияның ең үздік құзға өрмелеушілері жиналады. Үш күн бойы спортшылар екі бағдарлама бойынша күш сынасатын болады. Олар – «жылдамдық» және «қиындық» жаттығулары.
Өтетін орны: «Шабыт» жазғы амфитеатры (Алматы қ., Гоголь көшесі, 1е).
