Бүгін күн райы қандай болады
Фронтальды бөліністердің өтуіне байланысты еліміздің батысында, шығысында, оңтүстік-шығысында жаңбыр жауып, найзағай ойнайды, бұршақ жауып, желдің күшеюі ықтимал. Батыста және шығыста нөсер болады.
Photo credit: Unsplash.comАнтициклонның әсерінен республиканың оңтүстік-батысында, солтүстік-батысында және солтүстігінде жауын-шашынсыз ауа райы болажы. Ел аумағында жел күшейеді, ал солтүстік-батыста, солтүстікте және орталықта түнгі және таңертеңгі уақытта тұман түсуі ықтимал.
Күндіз Батыс Қазақстан облысында 36 градусқа дейін, Атырау облысында 35-37 градусқа дейін, Ақтөбе облысында 35 градусқа дейін, Маңғыстау облысының оңтүстігінде 38 градусқа дейін ыстық болады.
Алматы облысында, Жетісу облысының оңтүстігі мен шығысында, Батыс Қазақстан облысының оңтүстік-батысында, Ұлытау облысының шығысында, Маңғыстау облысының оңтүстік-батысында, Атырау облысының орталығында, Ақтөбе облысының орталығы мен шығысында, Шығыс Қазақстан облысының солтүстігі, оңтүстік-шығысы мен орталығында, Абай облысының батысы мен оңтүстігінде өрт қауіптілігі жоғары болады.
Түркістан, Қызылорда, Маңғыстау, Жамбыл облыстарында, сондай-ақ Батыс Қазақстан облысының батысында, Алматы облысының батысы, солтүстігі мен шығысында, Атырау облысының батысы мен шығысында, Қостанай облысының оңтүстігінде, Қарағанды және Ақтөбе облыстарында өрттің аса жоғары қаупі сақталады.
Айта кетелік еліміздің басым бөлігінде дауылды ескерту жарияланды.
