Оқушыларды мектептен мектепке онлайн ауыстыруды енді eGov.kz арқылы орындауға болады
Оқу-ағарту министрлігі орындау процесін түсіндірді
Фото: istockphoto.com
Қазақстандық ата-аналар мен заңды өкілдер енді балаларын бір мектептен екінші мектепке онлайн режимде, eGov.kz порталы арқылы ауыстыра алады. Бұл қызмет тұрғылықты мекенжай бойынша да, басқа аудандардағы мектептерге де қолжетімді, деп хабарлайды Azattyq Rýhy.
Қызметтің артықшылықтары
- Есептен шығару және бекіту талондары қажет емес;
- Баланың жеке ісін қағаз түрінде мектепке тапсыру талап етілмейді;
- Өтініш беруші оқу тілін бірден таңдай алады;
- Қажет болған жағдайда өтінішті қайтарып алуға мүмкіндік бар.
Қызметті қалай алуға болады?
- eGov.kz порталына тіркеліңіз;
- «Білім» → «Орта білім» бөлімінен «Балаларды мектептен мектепке ауыстыру» қызметін таңдаңыз;
- Өтініш өрістерін толтырып, ЭЦҚ арқылы қол қойыңыз;
- Нәтижені Жеке кабинеттен қадағалаңыз.
Ата-аналарға ыңғайлы шешім
Жаңа онлайн сервис ата-аналарға мектеп ауыстыру процесін жеңілдетіп, уақыт пен қағазбастылықты азайтады.
