Қазақстандық балуандар Польшадағы турнирде тағы екі медаль жеңіп алды
Фото: ҰОКГрек-рим күресінен Қазақстан құрамасының спортшылары Варшавада (Польша) өтіп жатқан ірі халықаралық турнирде тағы екі жүлдеге ие болды.
Жерлестеріміз 63 келіге дейінгі салмақ дәрежесінде екі медальға қол жеткізді.
Бақытжан Қабдыл финалға дейін жетіп, шешуші белдесуде Қырғызстан спортшысы Жоламан Шаршенбековке есе жіберіп, күміс жүлдегер атанды.
Ал Сайфулла Құрман жарысты қола жүлдемен аяқтады.
Айта кетейік, бұған дейін Диас Қалтай (82 келіге дейін) мен Ерзат Ерланов (97 келіге дейін) үшінші орынға ие болған еді.
