Моңғолия құмар ойындарға толығымен тыйым салды
Фото: freepik Моңғолия онлайн-құмар ойындар мен басқа да құмар ойын түрлеріне заңмен толық тыйым салған Азиядағы 22-ші ел болды, деп жазады inbusiness.kz.
Заңның мақсаты – құмар ойындарын ұйымдастырушыларға қатаң жауапкершілік жүктеу, азаматтардың қаржылық қауіпсіздігін қамтамасыз ету және ақшаны заңсыз айналымға салу мен басқа да қылмыстық әрекеттердің алдын алу. Мамандандырылған ұйымдар бұл бағыттағы бақылауды күшейтіп, бұқаралық ақпарат құралдары арқылы ақпараттық науқан жүргізуді бастаған. Аталған заңнама – ішкі қауіпсіздік саясатына, салауатты әлеуметтік орта қалыптастыру мен экономикалық реттеуге бағытталған кешенді шешім ретінде қабылданған.
