13 өңірде аптап ыстық: Бүгін ауа температурасы жоғары болады
Түнде және таңертең солтүстікте тұман түседі.
Фото: Pixabay2025 жылғы 23 шілде, сәрсенбі күні Қазақстанда аптап ыстық, найзағайлы жаңбыр, бұршақ жаууы мүмкін, деп хабарлайды Skifnews.kz ақпарат порталы "Қазгидромет" РМК баспасөз қызметіне сілтеме жасап.
Синоптиктердің болжамы бойынша:
Батыс, солтүстік және солтүстік-батыс өңірлерде атмосфералық фронттардың әсерінен ауа райы тұрақсыз болады – найзағайлы жаңбыр жауады, солтүстікте күндіз бұршақ күтіледі. Елдің басқа өңірлерінде жауын-шашынсыз ауа райы сақталады.
Жел күшейіп, батыс, оңтүстік және шығыс аймақтарда шаңды дауыл болуы ықтимал. Түнде және таңертең солтүстікте тұман түседі.
Күндіз аптап ыстық болатын өңірлер:
- Маңғыстау облысы – +38…+40°C;
- Батыс Қазақстан облысы – +35…+36°C;
- Атырау облысы – +35…+39°C;
- Жетісу облысы – +35…+37°C;
- Алматы облысы – +35…+39°C;
- Жамбыл облысы – +35…+39°C;
- Түркістан облысы – +40…+42°C;
- Қызылорда облысы – +40…+42°C;
- Ұлытау облысы – +35…+38°C;
- Қостанай облысының оңтүстігі – +35°C;
- Ақтөбе облысы – +35°C.
Өте қатты ыстық болжанып отырған өңірлер:
- Алматы облысының батысы мен солтүстігі – +42°C дейін;
- Ақтөбе облысының оңтүстігі мен оңтүстік-шығысы – +40°C дейін.
Жоғары өрт қаупі:
- ШҚО, Абай облысы;
- Қостанай облысының батысы мен шығысы;
- Батыс Қазақстан облысының солтүстігі мен шығысы;
- Қарағанды облысының солтүстігі мен орталығы;
- Атырау облысының батысы;
- Ақтөбе облысының солтүстік-батысы мен солтүстік-шығысы;
- Ақмола облысының оңтүстігі мен шығысы;
- Павлодар облысының батысы, оңтүстігі және шығысы.
Төтенше өрт қаупі:
- Маңғыстау, Қызылорда, Түркістан, Алматы облыстары;
- Жетісу, Ұлытау, Жамбыл облыстары;
- Атырау облысының солтүстігі, оңтүстігі және шығысы;
- Қарағанды облысының батысы, оңтүстігі және шығысы;
- Ақтөбе облысының орталығы мен оңтүстігі;
- Батыс Қазақстан облысының орталығы мен шығысы;
- Қостанай облысының оңтүстігі;
- Абай облысының оңтүстігі мен солтүстік-батысы.
