Үндістанның шығысында найзағай соғуынан 33 адам қаза тапты
Үндістанның шығысындағы муссон жауыны кезінде найзағайдан кем дегенде 33 адам қаза тауып, ондаған адам жарақат алды, деп хабарлайды arabnews.
Фото: PixabayТөтенше жағдайларды басқару департаментінің мәлімдемесінде Бихар аймағында сәрсенбі және бейсенбі күндері болған қатты жаңбыр салдарынан адамдардың қаза тапқаны айтылды. Қайғылы оқиғаның құрбандары шаруалар мен дала жұмысшылары болды.
Кей жерлерде нөсер жаңбыр мен найзағай толастаған жоқ.Аймақтық апаттарды басқару министрі Виджай Кумар Мандал жауапты шенеуніктерге төтенше жағдай туралы ескерту жасап, қажетті сақтық шараларын қабылдауға нұсқау берілгенін айтты.Үкімет найзағай соғуынан қаза тапқандардың отбасыларына 4 миллион рупий (4600 доллар) көлемінде өтемақы төлейтінін жариялады.Еске сала кетейік, Пәкістандағы муссон жауыны салдарынан қаза болғандар саны 111 адамға жеткені жайлы жазған едік.
