Мемлекеттік бюджетке шамамен 11 трлн теңге кіріс түсті
Жоспар 106,4%-ға орындалды. 
Фото: canva.com
Фото: canva.comҚаржы министрі Мәди Такиев бірінші жартыжылдықтың қорытындысы бойынша мемлекеттік қаржы көрсеткіштеріне тоқталды, деп хабарлайды inbusiness.kz сайты.
"Мемлекеттік бюджеттің кірістері шамамен 11 трлн теңгені немесе жоспарға 106,4% құрады. Республикалық бюджет 31 млрд теңгеден аса артығымен орындалып, 100,5% атқарылды. Жергілікті бюджеттер де сенімді өсім көрсетті: кірістер 117% немесе 656,6 млрд теңгеге атқарылды. Өткен жылдың 6 айымен салыстырғанда кірістердің өсу қарқыны мемлекеттік бюджет бойынша 118,8%, оның ішінде республикалық бюджет бойынша 122% және жергілікті бюджет бойынша 114,3% құрады", – деді Мәди Такиев Үкімет отырысында.
Оның айтуынша, салықтық, кедендік әкімшілендірудің арқасында 492 млрд теңге қосымша түсімдер қамтамасыз етілді.
"Жыл басынан бері қосылған құн салығын қайтару көлемі, өткен жылдың деңгейінен 12% артық орындалып, 768 млрд теңгені құрады", – деді министр.
