Тоқаев қазақстандықтарды Астана күнімен құттықтады
Фото: АқордаПрезидент Қасым-Жомарт Тоқаев қазақстандықтарды Астана күні мен Домбыра күнімен құттықтады. Бұл туралы Stan.kz ақпарат агенттігі хабарлайды.
Тоқаев биыл екі мереке тұспа-тұс келгенін атап өтті.
“Қазақтың қасиетті қара домбырасы Ұлы даланың мыңжылдық бірегей мәдени мұрасын әйгілейді. Ал елордамыз Қазақстанның тұрақты әрі қарқынды өсіп-өркендеуін және жасампаз ұлттың жарқын болашаққа ұмтылысын айшықтай түседі”, – деді мемлекет басшысы.
Ол Астана еліміздің қоғамдық, саяси және іскерлік ордасы екенін еске алды.
Ол Астана еліміздің қоғамдық, саяси және іскерлік ордасы екенін еске алды.
“Дәл осы жерде халқымыздың болашағына қатысты маңызды шешімдер қабылданады, озық идеялар іске асырылып, биік мақсаттар орындалады. Мұнда білімпаздық пен еңбекқорлық құндылықтары берік орнығып, жұртымыздың ынтымағы мен келісімі нығая береді. Астана Орталық Еуразияның жауһары, заманауи Қазақстанның келбеті саналады. Халықаралық қауымдастық бас қаламызды бітімгершілік бастамаларды жүзеге асырып, жаһандық диалог орнату ісінде ерекше рөл атқаратын бейбітшілік шаһары ретінде біледі”, – деді ол.
Сөзінше, елордамыз әрдайым түбегейлі өзгерістер мен ауқымды реформалардың бастауында тұрады. Алдағы уақытта да Астана Әділетті, Таза және Қуатты Қазақстанды құру жолындағы жалпыұлттық жаңғыру жұмыстарына ұйытқы болады деген үмітте.
“Сүйікті қаламыз өркендеп, гүлдене берсін! Баршаңызға зор денсаулық, бақ-береке тілеймін!”, – деді президент.
Еске салсақ, Қасым-Жомарт Тоқаев Нұрсұлтан Назарбаевты туған күнімен құттықтағанеді.
