Үкімет 2,5 млрд теңге бөлді: қаржы қайда жұмсалады?
Фото: MidjourneyШығыс Қазақстан облысындағы жылу желілерін жылыту маусымына дайындауға Үкімет резервінен 2,5 млрд теңгеден аса қаржы бөлінді, - деп хабарлайды Massaget.kz.
Премьер-министр Олжас Бектенов тиісті қаулыға қол қойды. Құжатқа сәйкес қаражат Риддер қаласы мен Қ.Қайсенов кентінің жылу желілерінде жөндеу жұмыстарын аяқтауға бағытталады. Қаржының негізгі бөлігін Риддер қаласының жылу желілерінің ең қатты тозған 5,9 шақырымын күрделі жөндеуге жұмсау жоспарланып отыр.
Ал Ұлан ауданы Қ.Қайсенов кентінде ұзындығы 9 шақырым жылу желілерін реконструкциялаудың екінші кезегін аяқтауға 113 млн теңге бағыттау жоспарланған.
"Шығыс Қазақстан облысының елді мекендерінде жылу желілері 30 жылдан аса уақыт бойы пайдаланылып келеді. Осы уақыт ішінде оларға күрделі реконструкция жасалған жоқ. Тозу деңгейі орта есеппен 55%-дан, ал кейбір елді мекендерде 75%-дан асады", - деп жазылған хабарламада.
