Францияда саябақ, аялдама және басқа да жерлерде темекі шегуге тыйым салынады
1 шілдеден бастап Францияда жағажайларда, саябақтарда, аялдамалар мен балалар жүретін мекемелердің маңында темекі шегуге тыйым салынады, деп хабарлайды Kazinform Euronews арнасына сілтеме жасап.
Фото: freepik– Бұл Денсаулық сақтау министрлігінің өскелең ұрпақты қорғауға бағытталған жаңа саясатының бір бөлігі: «Балалар бар жерде темекі жойылуы керек, - деді Денсаулық сақтау министрі Кэтрин Вотрин.
Әзірге айыппұл салынбағанымен, құқық бұзушылар болашақта 135 еуроға дейін айыппұл төлеуі мүмкін. Биліктің пікірінше, бұл тыйым темекі шегуді азайтуға және мәдени өзгерістерді көрсетуге бағытталған қадам.
Денсаулық сақтау министрлігінің мәліметі бойынша, Францияда жыл сайын 75 000-ға жуық адам темекі шегудің салдарынан көз жұмады. Темекі шегушілер санының, әсіресе жастардың азайғанына қарамастан, темекі француз мәдениетінің бір бөлігі болып қала береді. Бірақ мемлекет оны өзгертуге бел байлап отыр.
Еске сала кетейік, бұған дейін Франция мен Испания ресейліктер үшін виза талаптарын қатаңдатқанын жазған едік.
