Бұршақ жауады: алдағы үш күнге арналған ауа райы болжамы

Синоптиктердің болжамы бойынша, республика аумағының басым бөлігінде ауа райына циклон және онымен байланысты атмосфералық фронтальды бөліктер әсер етеді.

Жаңбыр жауып, найзағай ойнайды, ал еліміздің батысында, солтүстік-батысында, солтүстігінде, шығысында және орталығында бұршақ жауып, күшті жаңбыр болуы мүмкін. Тек республиканың оңтүстігінде және оңтүстік-шығысында негізінен жауын-шашынсыз ауа райы болады.

Сонымен қатар желдің күшеюі болжанып отыр, елдің оңтүстік өңірлерінде шаңды дауылдар болуы мүмкін.

Ауа температурасында айтарлықтай өзгеріс болмайды. Күндізгі уақытта термометр бағаны батыс, солтүстік-батыс және солтүстік аймақтарда 18-28 градус жылыны, орталық және шығыс өңірлерде 20-33 градус жылыны, ал оңтүстік және оңтүстік-шығыс бөліктерде 27-38 градус жылыны көрсетеді.