Қазақстан компьютерлік қылмыстар туралы Конвенцияны ратификациялайды
Фото: pixabay.comІшкі істер министрлігі "компьютерлік қылмыстар туралы конвенцияны ратификациялау туралы" заң жобасын дайындады, деп хабарлайды Zakon.kz.
Жобаның мақсаты компьютерлік қылмыстарға қарсы іс-қимыл және ақпаратпен жедел алмасу үшін конвенцияға қосылған мемлекеттермен өзара халықаралық ынтымақтастықтың құқықтық негізін әзірлеу.
Конвенциямен компьютерлік жүйелер мен желілердің және компьютерлік деректердің құпиялылығына, тұтастығына және қолжетімділігіне қарсы, сондай-ақ осы Конвенцияда сипатталатын осындай іс-әрекеттердің қылмыстық жазалануын қамтамасыз ету және осындай қылмыстық сипаттағы қылмыстармен тиімді күрес жүргізу үшін жеткілікті өкілеттіктер беру арқылы, мұндай қылмыстық сипаттағы қылмыстарды анықтау мен тергеуге және оларды мемлекетішілік деңгейде де, халықаралық деңгейде де жасағаны үшін сот қудалауына жәрдемдесу және жедел әрі сенімді халықаралық ынтымақтастыққа қатысты уағдаластықтарды әзірлеу арқылы осындай жүйелерді, желілерді және деректерді теріс пайдалануға қарсы бағытталған іс-қимыл көзделген.
Конвенцияны ратификациялау компьютерлік қылмыстарға қарсы іс-қимыл саласында конвенцияға қатысушы мемлекеттермен өзара ынтымақтастық жасасуға құқықтық негізді құрайды және реттейтін салада ынтымақтастық механизмін құру мен компьютерлік қылмыстармен күресудің тиімділігін арттыруға мүмкіндік береді.
Министрлік ақпаратынша, Қазақстан Республикасы 2023 жылғы 19 сәуірде Еуропа кеңесінің министрлер Комитетімен компьютерлік қылмыстар туралы Конвенциясына қосылуға шақырылды.
Құжат 11 шілдеге дейін жария талқылау үшін "Ашық НҚА" сайтында орналастырылған.
