Қазақстандық гимнасттар Ташкенттегі жарыста үш медаль жеңіп алды
Қазақстанның спорттық гимнастика құрамасы Өзбекстан астанасында өтіп жатқан Challenge Cup халықаралық турнирінде үш бірдей жүлдеге ие болды, деп хабарлайды turkystan.kz Ұлттық олимпиада комитетіне сілтеме жасап.
Ерлер арасындағы қоссырық жаттығуында Ілияс Әзізов 13.100 ұпаймен күміс жүлде иеленсе, оның командаласы Дмитрий Патанин 12.700 ұпай жинап, қола медальға қол жеткізді. Бұл жаттығуда бірінші орынды 13.550 ұпаймен өзбекстандық Ахрорхон Темирхонов жеңіп алды.
Ал әйелдер арасындағы бөрене жаттығуында Көркем Ербосынқызы 12.100 ұпаймен үшінші орынға табан тіреді. Бұл сында алтын медальді Алжирлік Кайлия Немур (13.300 ұпай), ал күміс жүлдені Өзбекстаннан Одинахон Робиджонова (12.500 ұпай) жеңіп алды.
Қазақстан құрамасының бұл жетістігі халықаралық ареналарда ел намысын абыроймен қорғап келе жатқан жас спортшылардың әлеуетін көрсетеді.
