Дүйсенбіде елдің екі өңірінде аптап ыстық болады
Фото: Pixabay.com"Қазгидромет" РМК синоптиктері 23 маусым, дүйсенбіге арналған ауа райы болжамын ұсынды, деп хабарлайды Ulysmedia.kz.
ТОЛЫҒЫРАҚ
Циклон мен оған байланысты атмосфералық фронттардың әсерінен республиканың көп бөлігінде жаңбыр жауып, найзағай ойнайды.
– Елдің солтүстігі мен орталығында нөсер жаңбыр жауады. Солтүстік, шығыс және орталық өңірлерде бұршақ жауып, екпіні күшті жел соғады. Республиканың көп бөлігінде жел күшейеді, ал оңтүстікте шаңды дауыл болуы мүмкін. Оңтүстік-батыста түнде және таңертең тұман түседі, – делінген хабарламада.
Күндіз Жамбыл облысында, сондай-ақ Түркістан облысының батысы мен шөлді аймақтарында аптап ыстық болып, температура +40° градусқа дейін жетуі мүмкін.
Ал Алматы, Шығыс Қазақстан, Жетісу және Абай облыстарында ауа температурасы +35°…+38° градусқа дейін көтеріледі.
