Төтенше жағдайлар министрлігі қолайсыз ауа райына байланысты ескерту жариялады
Бүгін өңірлердің басым көпшілігінде жоғары және төтенше өрт қаупі күтіледі.
Фото: istockphoto
Фото: istockphoto«Қазгидромет» РМК Қазақстан бойынша дауылды ескертулер жариялады, – деп хабарлайды Aikyn.kz Төтенше жағдайлар министрлігінің ақпаратына сілтеме жасап.
Ел бойынша негізгі қауіптер: найзағай, дауыл, бұршақ; қатты ыстық (35°C-қа дейін); жел екпіні 23–28 м/с дейін; кей аймақтарда шаңды дауыл.
Сонымен қатар өңірлердің басым көпшілігінде жоғары және төтенше өрт қаупі күтіледі.
ТЖМ кеңесі: қатты ыстық пен жел кезінде орманға немесе далаға барудан аулақ болыңыз, найзағай кезінде ағаш астында тұрмаңыз, көшеде электроқұрылғыларды пайдаланбаңыз, от жақпаңыз, жанғыш заттарды күн астында қалдырмаңыз, ауа райы нашарлағанда үйде болғаныңыз абзал, – делінген ТЖМ хабарламасында.
