Нөсер жаңбыр, бұршақ жауады: алдағы үш күнге ауа райы болжамы
Солтүстік және шығыс аймақтарда күндізгі уақытта ыстық біртіндеп басылады.
Фото: istockphoto.com«Қазгидромет» РМК алдағы үш күнге арналған ауа райы болжамын жариялады, – деп хабарлайды Aikyn.kz.
Синоптиктердің болжамы бойынша, Қазақстан аумағы арқылы белсенді циклондар мен оларға байланысты атмосфералық фронттар жылжуын жалғастырып жатыр. Бұл құбылмалы ауа райының қалыптасуына алып келеді.
Алдағы күндері ел аумағына фронтальды белсенділіктің кезекті толқыны әсер етеді, жауын-шашын мен найзағаймен қатар жүреді.
Қазақстанның батысында, солтүстігінде, 19-20 маусымда солтүстік-батысында нөсер жаңбыр жауып, кей жерлерде бұршақ түсуі мүмкін.
Солтүстік және шығыс аймақтарда күндізгі уақытта ыстық біртіндеп басылады. Ауа температурасы +20…+28 °C дейін төмендеп, жайлы болады.
