Әкелер декларациясы қабылданды
15 маусым – Әкелер күні. Әлемде бұл мереке маусымның үшінші жексенбісінде атап өтіледі.
Фото: ашық ақпарат көзінен алындыҚазақстанда да биыл үшінші жыл қатарынан тойланып отыр. Мерейлі мезет ерлер қауымының қадір-қасиетін арттырып, қоғамдағы әкелер институтының дамуына үлес қосуға бағытталған.
Қоғам белсенділері әкелер декларациясын қабылдады. Мұнда бүгінгі әкенің рөлі, отбасындағы отағасының образы анық жазылған. Ол «ХХІ ғасыр әкесі: әрекетке шақыру» деп аталады.
Жаңа құжат мереке қарсаңында өткен республикалық әкелер форумында қабылданды. Айтайық, кеңес биыл оныншы мәрте ұйымдастырылып отыр. Оған өңірлерден 200-ге жуық адам қатысты. Жиын алаңында тұрмыстық тіршіліктегі түрлі түйткілдерді тарқатудың тетіктері талқыланды. Жиынға әкелермен қатар аналар да атсалысты.
