Фото: Мәдениет және ақпарат министрлігі
Қазақстанда Әкелер күнін атап өтуде, деп хабарлайды BAQ.KZ.
Мереке аясында бүкіл ел бойынша 600-ден астам іс-шара жоспарланған. Форумдар, «Әке – менің қорғаным», «Менің әкем – мақтанышым» суреттер конкурсы, спорттық жарыстар ұйымдастырылады. Сонымен қатар әлеуметтік желілерде «Әкенің тәрбиесін 100 мектеп те бере алмайды» акциясы басталады.

Әкенің баланың өміріндегі, жалпы қоғамдағы рөлі айрықша. Батылдық пен даналықтың үлгісі бола тұра, әке ұрпағын тәрбиелеуге жанын салады. Әке - баланың бірінші қорғаушысы, тәлімгері, ол жауапты, әділ және мықты болуға үйретеді, қиындықтарды еңсеруге көмектеседі, оның қолдауы мен қамқорлығы балаларға сенімділік береді.