Байден: АҚШ саясаты бытыраңқы күйге түсті
Фото: Marco Bello
АҚШ-тың бұрынғы президенті Джо Байден елдегі саяси жағдайды «бытыраңқы және ащы» деп атады. Бұл туралы ол 30 мамырда жасаған мәлімдемесінде айтты, деп хабарлайды BAQ.KZ шетелдік БАҚ-қа сілтеме жасап.
Біздің саясатымыз соншалықты бытыраңқы және ащы болды. Осы жылдар ішінде мен бұл деңгейге жетеміз деп ешқашан ойлаған емеспін, бірақ біз сол күйге жеттік, – деді Байден.
Ол демократияны сақтау – әр ұрпақтың басты міндеті екенін атап өтті. Байденнің айтуынша, АҚШ-тағы саяси жүйе тек республикалық немесе демократиялық партия мүддесіне ғана емес, барша американдықтардың мүддесіне қызмет етуі тиіс.
Сондай-ақ 30 наурызда АҚШ президенті Дональд Трамптың саясатына қарсы еуропалық елдерде антиамерикалық көңіл-күйдің өршіп, американдық тауарларға бойкот жарияланғаны хабарланған болатын.
