Байден Калифорниядағы өртті штат тарихындағы ең жойқын деп атады
Фото: report.azKAZINFORM - АҚШ президенті Джо Байден Калифорниядағы 11 мың гектарға жуық аумаққа жеткен өртті штат тарихындағы ең ірі және ең жойқын өрт деп атады. Бұл туралы ол бейсенбі күні баспасөз мәслихатында мәлімдеді, деп жазады ресейлік ТАСС.
- Бұл Калифорния тарихындағы ең кең таралған және жойқын өрт, - деді ол.
Байден атап өткендей, АҚШ билігі өртті сөндіру үшін Калифорнияға қосымша өрт сөндіру экипаждары мен ұшақтар жіберді. Сондай-ақ Канададан өрт сөндіру бригадалары мен өрт сөндіру ұшақтары әкелінді, деді ол.
АҚШ президенті қазіргі уақытта 360 мың адам эвакуацияланғанын мәлімдеді.
Журналистердің өртті қалпына келтіруге кеткен шығынға байланысты сұрағына Байден нақты жауап бермеді, бірақ шығын өте көп болатынын айтты.
Осыған дейін Лос-Анджелестегі орман өртінен бес адам қаза болғанын жаздық.
Байден Калифорнияда орман өртіне байланысты апатты жағдай жариялады.
«Халықаралық бағдарламалар орталығы» АҚ Калифорния штатында болып жатқан орман өрттеріне байланысты қазақстандық стипендиаттардың жағдайы туралы хабарлады.
