ҚОЛА ЖҮЛДЕ ҚАНЖЫҒАДА
Астанада дзюдодан өтіп жатқан Grand Slam Qazaqstan Barysy турнирінде 81 келіге дейінгі салмақ дәрежесінде белдескен жерлесіміз Абылайхан Жұбаназар қола жүлдені жеңіп алды.Қазалылық спортшымыз тартысты белдесуде италиялық Мануэль Парлатиді небәрі 29 секундта жеңіп, қола жүлдені ел қоржынына салды.
Айта кетейік, Абылайхан Жұбаназар 2000 жылдың 15 ақпанында Қазалы қаласында дүниеге келген. Ең алғаш қазақ күресіне 2013 жылы аяқ басты. Оның бозкілемдегі батырлығын байқаған бапкері Мұхтар Күзентаев «болашақта әлем танитын чемпион боласың» деп жігерлендіріп отыратын болған. Бүгінде ол дзюдо күресінен халықаралық дәрежедегі спорт шебері.
Айнұр ӘЛИ
