Партия филиалының төрағасы жеке қабылдау өткізді

Тұрғындардың өтініш-шағымдарын тыңдауға партия филиалының Атқарушы хатшысы Нұрғиса Жалғасбаев, аудандық Мансап орталығының директоры Болатбек Баймаханов және аудандық көп бейінді орталық ауруханасының бас дәрігері Қадірбек Алипов қатысты.

Қабылдауға келушілер тұрақты және ақылы қоғамдық жұмыстарға орналасу мәселелерін көтерді.

Филиал төрағасы Ғазиз Әлмәмбетұлы өтініш иелеріне enbek.kz электронды еңбек биржасында жарияланған бос жұмыс орындарын ұсынып, нақты бағыт-бағдар берді. Сонымен қатар, жауапты сала мамандарымен бірлесіп, азаматтардың өтініштерін заң аясында оң шешу жолдарын қарастырып, тиісті түсіндірме жұмыстарын жүргізді.