Қайтарылған активтердің 1,4 млрд теңгесі қайда жұмсалатыны белгілі болды
Фото: MidjourneyҮкімет Арнайы мемлекеттік қордан Жетісу облысы Кербұлақ ауданы Көксай ауылында жаңа мектеп құрылысына 1,4 млрд теңге бөлді, - деп хабарлайды Massaget.kz.
Қазір елді мекенде бір мектеп жұмыс істейді, онда екі ауысымда 53 бала оқиды. Дегенмен оқу орнында спорт және акт залдары, асхана жоқ, пәндік кабинеттер жетіспейді. Жаңа мектеп 60 орынға арналған.
"Ғимарат заманауи білім беру стандарттарына сәйкес жабдықталған. Нысан құрылысы мектептегі орын тапшылығы мәселесін шешуге мүмкіндік береді: қазір ауылда 7 жасқа дейінгі 28 бала бар", - деп жазылған хабарламада.
Бүгінде Үкімет арнайы мемлекеттік қордан әлеуметтік маңызы бар нысандар салуға 58 млрд теңге бөлді. Оның ішінде 5 мектеп, ішінде біреуі - музыкалық мектеп, 2 спорт кешені, көпфункционалды аурухана кешені, жатақхана, 2 балабақша және жедел медициналық жәрдем стансасы бар.
