Путинмен кездесуге дайындық басталды
Фото: АР АҚШ-тың сайланған президентінің айтуынша, оның Ресей басшысымен келіссөздерін ұйымдастыру жұмыстары басталып кетті, деп хабарлайды BAQ.KZ тілшісі Reuters агенттігіне сілтеме жасап.
АҚШ-тың сайланған президенті Дональд Трамп Ресей президенті Владимир Путинмен кездесу ұйымдастырылып жатқанын мәлімдеді. Дегенмен Трамп екі көшбасшы арасындағы ықтимал келіссөздердің қашан болатынын нақты айтқан жоқ.
Президент Путин менімен кездескісі келеді және біз бұл істі ұйымдастырамыз. Ол тіпті бұл туралы көпшілік алдында айтты, біз Украинадағы қанды қақтығысты тоқтатуымыз қажет, - деді Трамп.
Айта кетейік, бұған дейін Трамп алғашқы үлкен баспасөз мәслихатын өткізіп, АҚШ қауіпсіздігін қамтамасыз ету үшін Гренландия "қажет" деп мәлімдеген еді.
