Қазақстанда қанша адам тұрады?
Қазақстанда халық саны 20,2 миллионнан асты. Оның ішінде 12,7 миллионнан астам адам қалада тұрады, деп хабарлайды Bugin.kz порталы.Бұл туралы ҚР Ұлттық статистика бюросы мәлімдеді. Бюро сайтында бүгін Қазақстан халқы туралы жаңа деректер жарияланды. 2024 жылдың 1 желтоқсанындағы жағдай бойынша елде 20,2 миллионнан астам адам тұратыны хабарланды. Халықтың орташа саны 20 мыңнан астам адамға өсті (өсу қарқыны 1,16%). Қазір қалаларда 12,7 миллионнан астам қазақстандық тұрады. 2024 жылғы 1 желтоқсандағы жағдай бойынша ауыл тұрғындарының саны 7,5 миллионнан астам адамды құрады.
Елімізде барлығы 10,3 миллионнан астам әйел мен 9,9 миллионнан астам ер адам бар. Сондай-ақ есепті кезеңде Қазақстанда 338 мыңнан астам бала дүниеге келіп, 121 мыңнан астам ел тұрғыны қайтыс болғаны хабарланды. Халықтың табиғи өсімі 217 мың адамнан асты.
