Қолайсыз ауа райына байланысты еліміздің екі өңірінде жол учаскелері жабылды
Сурет: pixabayАуа райының бұзылуына байланысты 18 желтоқсанда кешке қарай Ақтөбе мен Батыс Қазақстан облыстарындағы республикалық маңыздағы тас жолдарда жүк және қоғамдық көліктердің қозғалысына шектеу қойылды, деп хабарлайды Zakon.kz.
Бұл туралы "ҚазАвтоЖол" АҚ баспасөз қызметі хабарлады.
Ақтөбе облысы:
Самара-Шымкент тас жолының 526-702 шақырым аралығының учаскесі, яғни БҚО шекарасынан Маржанбұлақ ауылына дейін.
Батыс Қазақстан облысы:
Самара-Шымкент тас жолының 272-526 шақырым аралығының учаскесі, яғни Барбастау ауылынан БҚО шекарасына дейін.
Жолдарды қайта ашу 2024 жылғы 19 желтоқсан сағат 06:00-ге жоспарланғаны да нақтыланады.
Бұған дейін синоптиктер суық циклон жылжып келе жатқанын, алда аязды күндер күтіп тұрғанын ескерткен болатын.
