Бұл ретте департамент әрбір азаматтың талап-тілегіне заңдық мүддесіне сай қызмет етеді. Мемлекеттік қызметтерді көрсететін органдар үшін қызмет сапасын арттыру, жеке және заңды тұлғалардың құқықтарының сақталуы басты қағида болуы тиіс. Дегенмен кейбір мекемелер тарапынан саладағы заңнаманың бұзылуына жол беретіні жасырын емес.

Департаментке биылғы жылдың қаңтар айынан бастап бүгінгі күнге дейін келіп түскен 75 шағымның 42-і, яғни 56%-ы жер қатынастары саласына тиесілі екені анықталды. Жер қатынастары саласы жиі шағымданатын салалар арасында көш бастап тұр.

Аталған сала бойынша келіп түскен 42 шағымның 30-ы өз құзіреті шегінде қаралып, 4-еуі басқа мемлекеттік органдарға жолданды. Ал қалған 8 шағым азаматтардың өз өтініштері бойынша қараусыз қалдырылды.

Шағымдардың басым бөлігі – мемлекеттік қызмет көрсетуден негізсіз бас тартулар мен мемлекеттік қызмет көрсету тәртібінің сақталмауына қатысты.

Осы ретте, департамент арқылы жыл басынан бері жалпы 15 қызмет алушының құқығы қалпына келтірілсе, оның ішінде жер қатынастары саласында орын алған бұзушылықтар бойынша 10 қызмет алушының құқығы қалпына келтірілді.

Сонымен қатар, департаментпен жыл басынан бері мемлекеттік қызмет көрсету барысында рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабы бойынша жалпы 27 әкімшілік құқық бұзушылық туралы хаттама толтырылып, мемлекет кірісіне 1 218 360 теңге өндірілді.

Оның ішінде жер қатынастары саласы бойынша рұқсат беру тәртібін бұзғаны үшін Әкімшілік құқық бұзушылық туралы кодекстің 465-бабына сәйкес 16 әкімшілік құқық бұзушылық туралы хаттама толтырылды.

Хаттамаларды толтыру барысында лауазымды адамдардың кiнәсi заңнамада көзделген тәртiппен дәлелденгендігіне толық көз жеткізіліп, қысқартылған түрде айыппұл салынып, мемлекет кірісіне 812 240 теңге өндірілді.

Сонымен қатар, облыс көлемінде биылғы қаңтар айынан бүгінгі күнге дейін жер қатынастары саласы бойынша ЖАО- да анықталған бұзушылықтар саны 1373-ті құрайды.

Оның ішінде:

1) Жұмыс кестесін сақтамау – 873;

2) Мемлекеттік қызмет көрсету тәртібін (бизнес-процесін) бұзу фактілері – 292;

3) Мемлекеттік қызметтерді көрсету мерзімінің бұзылу фактілері – 86;

4) Артық құжаттарды талап ету фактілері – 77.

Бұзушылықтарға жол бергендері үшін департаменттің ұсынысымен тәртіптік жауапкершілікке мемлекеттік органдар мен ұйымдардың 47 қызметкері тартылды.

Департамент әрдайым тұрғындарға мемлекеттік қызметті заң шеңберінде алуына жәрдем береді.

Егер мемлекеттік қызмет көрсету кезінде заңнама талаптарының сақталмағанынакуә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, сіз құқығыңызды департаментке шағымдану арқылы қорғай аласыз.

Департамент басшысы,

Әдеп жөніндегі кеңес төрағасы