4 желтоқсаннан бастап камералар көліктердің орташа жылдамдығын есептеп отырады
4 желтоқсанда жол қозғалысы саласындағы өзгерістерге қатысты заң күшіне енді. Ол жол қауіпсіздігін арттыруға және жол-көлік оқиғаларының санын азайтуға бағытталған. Бұл туралы Stan.kz ақпарат агенттігі хабарлайды.
Фото: Pixabay.comӘрбір үшінші жүргізуші трассада жылдамдықты шектен асырғандықтан қаза болады. Соны ескеріп ІІМ жаңа өзгеріс енгізді.
Енді халықаралық және республикалық маңызы бар жолдарда жүретін жүргізушілер бақыланады. Автоматты анықтау жүйелері арқылы түзу учаскелерде "орташа жылдамдығы" қанша екенін анықтайды.
"Орташа жылдамдық" жүріп өткен жолды уақыт аралығына бөлу арқылы есептеледі. Айыппұл орташа жылдамдықтың асып кетуіне байланысты 5-тен 40 АЕК-ке дейін болады”, – делінген хабарламада.
Жолдардың әртүрлі учаскелерінде "орташа жылдамдық" әр көлікті автоматты түрде жеке есептейтін формулаға сәйкес әртүрлі болады.
“Ішкі істер министрлігі жол қозғалысының барлық қатысушысын ережелерді сақтауға және басқа қатысушыларды құрметтеуге шақырады", – деді ішкі істер министрлігі әкімшілік полиция комитетінің аға инспекторы Ақтоты Боранова.
