Партиялық бақылау комиссиясының кезекті отырысы өтті
«AMANAT» партиясы Қазалы аудандық филиалының Партиялық бақылау комиссиясының төрағасы Әділбек Сарабековтың төрағалығымен комиссияның кезекті отырысы өтті. Басқосуда аудандағы апатты жағдайдағы және күрделі жөндеуді қажет ететін білім орындарына партиялық бақылау бекттерін орнату мәселесі қаралды.
Бүгінде Жанқожа батыр ауылындағы апатты жағдайда танылған №94 мектептің орнына партияның сайлауалды бағдарламасын іске асыру бойынша жаңа «Жайлы мектеп» құрылысы жүріп жатыр. Өткен жылдың қараша айында құрылыс басына партиялық бақылау бекеті орнатылып жұмысын бастаған. Комиссия төрағасы Әділбек Сербайұлы бақылау жұмыстарының жылдық жұмысына тоқталып өтті.
Сондай-ақ жиында партияның сайлауалды бағдарламасын ауданда іске асыру бойынша салынып жатқан басқа да құрылыс нысандарына орнатылған бақылау бекеттері жайында сөз болды.
Күн тәртібіндегі келесі мәселе бойынша аудандық партия филиалына қарасты бастауыш партия ұйымдарында партиялық жобалардың насихатталу барысы туралы сөз болды.
Жиын қорытындысымен комиссия мүшелерімен құрылыс нысандарына бірлескен бақылау жұмыстарын тұрақты жүргізу бойынша ұсыныстар айтылды.
#AMANAT
