Елімізде пойыз билеттері 20% қымбаттайды
Фото: istockphoto.comҰлттық тасымалдаушы кондиционері жоқ вагондардағы билеттерге 20 пайызға дейін жеңілдік береді.
Көлік министрлігінің баспасөз қызметі бүгінде елімізде 14 теміржол тасымалдаушысы және 140 жолаушы бағыты бар екенін айтты. Тарифтің көтерілуі оның 62-сіне әсер етеді.
Бұл біздің пойыздарда көрсетілетін қызметтердің сапасын арттыру, сонымен қатар теміржолшылардың еңбекақысын көтеру үшін жасалып жатыр. Қазір елімізде осы бағыттардың барлығында 2667 көлік жүріп жатыр, тозуы айтарлықтай жоғары, бұл 44 пайызына тең, – деді көлік министрлігінің ресми өкілі Ләззат Стамғазиева.
Talgo бағасы шамамен 19 493 теңге, стандартты пойыздарда купе құны 19 653 теңге, резервтік орын 12 871 теңге болады. Қала маңындағы пойыздарға билет құны 6 314 теңгеге тең болады.
