Толыққанды ұлттық автомобиль жасау кластерін құру шаралары қабылданады
Фото: spkalmaty.kzТолыққанды ұлттық автомобиль жасау кластерін құру шаралары қабылданады. Бұл туралы Үкімет отырысында Мемлекет басшысының Жолдауын іске асыру жөніндегі жалпыұлттық іс-шаралар жоспарының жобасын таныстырған Премьер-Министрдің орынбасары – Ұлттық экономика министрі Нұрлан Байбазаров айтты.
«Өнеркәсіп саласында отандық шикізат пен жинақтауыштарды барынша пайдалануды, жүйе құраушы кәсіпорындардың айналасында аралас өндірістерді жандандыра отырып, ірі жобалар іске асырылады. Толыққанды ұлттық автомобиль жасау кластерін құру бойынша шаралар қабылданатын болады. Сондай-ақ Газ саласын дамыту бойынша кешенді жоспар өзектілендіріледі», - деді министр.
Сонымен бірге оның сөзіне қарағанда, басқа моноқалалардың экономикасын әртараптандыру үшін Саран қаласының экономикалық даму тәжірибесі ауқымды қолданылады.
«Алатау қаласын озыңқы дамыту аясында инвестициялау және жайлы тұру үшін тартымды жағдайлар жасалатын болады», - деді Нұрлан Байбазаров.
