Жоба мақсаты – жастар арасындағы жұмыссыздықты азайтуға бағытталған
«AMANAT» партиясы бүгінгі күні түрлі бағыттағы жобаларды жүзеге асырып келеді. Солардың бірі «Жастарға - жұмыс» жобасы. Жобаның басты мақсаты – жастар арасында жұмыссыздықты азайтуға атсалысу, олардың тұрақты жұмысқа тұруына мүмкіндік жасау.Бүгінгі Әйтеке би кентіндегі жастар ресурстық орталығында «AMANAT» партиясының «Жастар Рухы» ЖҚ аудандық филиалының бастамасымен аудандық жастар ресурстық орталығының ұйымдастыруымен өткізілген мүмкіндіктер алаңына аудандық «Мансап» орталығы, аудандық кәсіпкерлік және өнеркәсіп бөлімі, аудандық кәсіпкерлік палатасы, аудандық тұрғын үй коммуналдық шаруашылық, жолаушылар көлігі және автомобиль жолдары бөлімі, аудандық ауыл шаруашылығы және жер қатынастары бөлімдерінің өкілдері қатысып, жастарға бос жұмыс орындары мен түрлі мемлекеттік бағдарламаларды түсіндіріп, жастарға берілетін қайтарымсыз несиелер бойынша кеңінен ақпараттар ұсынды.
Өз кезегінде келушілер сауалдарын қойып, керекті ақпараттарын алды. Алдағы уақытта жастар арасындағы жұмыссыздықты азайтуға бағытталған жоба аясындағы шаралар мен жәрмеңкелер тұрақты түрде өткізіліп тұратын болады.
#AMANAT
