Қазалы Қазалы аудандық қоғамдық-саяси газет
» » Қаңтардан бастап қазақстандықтар қосымша жалақы алады

Қаңтардан бастап қазақстандықтар қосымша жалақы алады

Қазақстандықтар 29 млрд теңге шамасында қосымша еңбекақы алатын болады. Бұл туралы ҰЭМ-нің баспасөз қызметі мәлімдеді, деп хабарлайды Baq.kz ақпарат агенттігі.
Ағымдағы жылғы 5 наурызда Мемлекет басшысы Бес әлеуметтік бастамасын жариялады.
Айтылған шаралар халықтың әл-ауқатын жақсартуға бағытталған.
Ұлттық экономика министрлігіне екінші бағыт бекітілген: «Жалақысы төмен жұмысшылардың еңбекақысын көбейту үшін олардың салық жүктемесін азайту».
Екінші бастамаға сәйкес, жалақысы 25 айлық есептік көрсеткіш немесе 60 125 (алпыс мың бір жүз жиырма бес) теңгеден төмен жұмысшылар үшін жеке табыс салығының мөлшерлемесін 10 есе төмендету ұсынылады.
Жалпы республикада мұндай еңбекақыны 2 миллионнан аса адам алады. Негізінен, бұл ауыл шаруашылығы мен саудада.
Аталған бастаманы іске асыру мақсатында мемлекеттік органдармен және «Атамекен» Ұлттық кәсіпкерлер палатасымен бірлескен жұмыс жүргізілді.
Жұмыс нәтижесі бойынша жалақысы төмен жұмысшылардың жеке табыс салығын төмендетудің оңтайлы тетігі айқындалды.
Мәселен, салық салынатын табыс 90 пайызға азайтылатын болады. Қалған еңбекақыға 10 пайыз мөлшерлемемен жеке табыс салығы салынатын болады. Яғни, салық жүктемесі 10 есеге төмендейді.
2018 жылғы қарапайым мысал арқылы ЖТС ұсынылған есептеуді қарастырамыз.


10 шілде 2018 ж. 895 0

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930