Байқауға Орталық Азия мен Әзірбайжан елдерінен 360-тан астам жұмыс қатысты. Іс-шараның қорытындысы бойынша Қазақстан жыл елі мәртебесін алды. Бұл атақ қай елдің агенттіктері мен компаниялары халықаралық қазылар алқасының дауыс беру нәтижесінде ең көп ұпай жинаса, сол елге беріледі.

Әзірбайжандық Endorphin компаниясы жылдың ең үздік агенттігі болып танылды. Қазақстан келген қатысушыларға 50 марапат, өзбекстандықтарға 24 марапат, әзірбайжандықтарға 13 марапат берілді.

"Red Jolbors-та біз әрқашан саланың ең қызықты және өзекті мәселелерін көтеруге, өз сараптамаларын жарнамалық агенттіктердің өкілдерімен және аймағымыздың маркетологтарымен бөлісу үшін үздік сарапшыларды әкелуге тырысамыз. Биыл конкурстың спикерлері мен қазылар алқасы жарнама және маркетинг саласындағы ең беделді марапаттардың иегерлері болды. Бүкіл құрамға 100-ге жуық “Канн арыстандары", сондай-ақ бірнеше Effie марапаттары берілді. Effie – маркетингтік тиімділік саласындағы әлемдегі ең маңызды марапаттардың бірі", - деді Red Jolbors негізін қалаушы Сабина Рейнгольд.

Дәрістердің, сондай-ақ панельдік пікірталастардың спикерлері ірі жарнама агенттіктерінің, сондай-ақ Еуропа, Оңтүстік Корея, Грузия, Қазақстан, Қырғызстан, Өзбекстан, Ресей компанияларының өкілдері болды. Олар өздерінің практикалық тәжірибелерімен бөлісті және шығармашылық идеяларды әзірлеу, маркетинг құралдарының тиімділігі, брендтердің өсу мүмкіндіктері, серіктестік құру, цифрлық дизайн, маркетинг саласын, TikTok-қа миллиондаған аудиторияны тарту туралы айтты.

Мұнымен қоса Red Jolbors-тың 2022 жылғы негізгі тақырыптарының бірі – біз өмір сүріп жатқан ортаны жақсы жаққа өзгертетін ESG жобаларын құру және дамыту болды.

Іс-шарада 3 панельдік пікірталас ұйымдастырылды. Олардың бірі Орталық Азия елдерінде креативті экономиканы дамытуға арналды.

Red Jolbors – бұл жарнама және маркетинг саласының мамандары асыға күтетін шаралардың бірі. Жобаға шығармашылық, коммуникациялық және жарнама агенттіктерінің өкілдері, өндіріс және дизайн студиялары, маркетологтар, бренд менеджерлері, PR мамандары қатысады. Red Jolbors миссиясы – креативті индустрия өкілдерінің кәсіби қауымдастығын құру және дамыту. Фестиваль Қырғызстанда құрылған. Ал 2018 жылдан бастап жыл сайын Қазақстанда өтеді.

Фестивальдің бас серіктесі – Jusan Bank.

Фестивальге қолдау білдіргендер: Beeline, Tiger, Magnum, Burger King, Novotel.