28 қаңтарда нені атап өтеміз?
28 қаңтар – Ядролық қаруға қарсы жұмылудың халықаралық күні.1985 жылы Үндістан, Аргентина, Грекия, Мексика, Танзания және Швецияның мемлекет және үкімет басшыларының Делиде өткен кездесуінде Дели декларациясы қабылданды. Онда ядролық қаруы бар ірі мемлекеттерді, басқа да елдердің парламенттері мен үкіметтерін ядролық қаруды көбейту ісіне қарсылық білдіруге шақырды.
Бұл күн сондай-ақ Мәліметтерді қорғау күні. Жеке мәліметтерді қорғау туралы конвенцияға сәйкес 28 қаңтар Мәліметтерді қорғау күні болып белгіленді. Негізгі мақсаты азаматтардың өздері туралы қандай мәліметтер не үшін жиналып жатқанынан хабардар ету болды. Оның белгіленген кезеңі 2007 жыл және сол жылы алғаш рет аталып өтті.
syrboyi.kz
