Қазалы Qazaly.kz ақпараттық агенттігі
» » Шетелдік көліктерге шешім бар ма?

Шетелдік көліктерге шешім бар ма?

Көптен бері ел азаматтарын алаңдатып, шешімін күткен жай туралы Мемлекет басшысы Қасым-Жомарт Тоқаев мәлімдеме жасады. Үкіметтің кеңейтілген отырысында Президент Қазақстанның заңнамасына сай келмейтін шетелдік көліктердің енді кірмейтінін шегендеп тапсырды.

Қасым-Жомарт Кемелұлының айтуынша, қазақстандық азаматтар көршілес Ресей мен Қырғызстаннан бұған дейін сенімхат арқылы көліктерді сатып алып келген. Ол көліктер біздің елде есепке тіркемеген. Нәтижесінде Қазақстанның заңнамасын бұза отырып, техникалық құжаттарды ресімдейді. Қазір мұндай көліктер саны артып кеткен. Осы себепті, Бас прокуратураға қалыптасқан жағдайға құқықтық баға беруді тапсырылмақ.

Мемлекет басшысы Үкіметке бір айдың ішінде Қазақстан азаматтарының ЕАЭО елдерінен 2020 жылдың 1 ақпанына дейін әкелген көліктерін тіркетуді тапсырды.

«Бұл көліктердің тіркелуі 2021 жылдың 1 наурызына дейін күшінде болады. Мұндай көліктер техникалық регламенттің талаптарына сай болуы керек. Сондай-ақ, тіркеу сомасы мен мемлекеттік бажды төлеуі тиіс. Уақытша тіркеу бір қолдан екінші қолға сатылып барып, жасалмауы тиіс. 2021 жылдың 1 наурызына дейін автокөлік иелері көліктерін тұрақты тәртіпте тіркеп, кедендік баж бен утилизациялық соманы төлеуі тиіс. Болмаса ол көлікті елден шығаруы немесе заңнамамен тыйым салынбайтын басқа да амалмен мәселесін реттеуі қажет. Үкіметке Қазақстанның заңнамасына қайшы келетін көліктерді бұдан ары кіргізбеуді және пайдалануға шектеу қою шараларын қолға алуды тапсырамын», – деді Мемлекет басшысы.
"ҚАЗАЛЫ" ақпарат
25 қаңтар 2020 ж. 1 051 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031