Воронеждік «Факел» клубын қазақстандық Сергей Волгин басқаратын болды. Қазақстанда ол бес командамен жұмыс істеді, деп хабарлайды Baq.kz ақпарат агенттігі fakelfc.ru сайтына сілтеме жасап.

Команданың құрамын өзгертетін, оларды ойынға дайындайтын бұрынғыша Игорь Пывин. Ол клбута 2017 жылдан бастап істеп келеді. алайда оның қажетті бапкерлік лицензиясы жоқ, ал Волгинде Ресей футбол бірлестігі берген PRO дәрежесі бар.

«Факел» Волгиннің мансабындағы соңғы клуб болатын. 1995 және 96 жылдары ол воронеждіктер үшін Ресейдің бірінші дивизионындағы 28 матчта бес гол салған.

60 жастағы Волгин 2015 жылы «Ақжайықтан» кеткен соң, кәсіби командаларда жұмыс істемеді. Сонымен бірге, алматылық клубтың тәрбиеленушісі Қазақстанда «Қайсар», «Қайрат», «Қарасай Сарбаздары», «Атырау» және «Ертісті» басқарды. 2000 жылдар басында ол ресейлік «Уралан» және «Сатурн» клубтарында бапкердің көмекшісі болған.

Өткен маусымда «Факел» Ресейдің Ұлттық футбол лигасында соңғы орында болғанын айта кетейік.