Қазалы Qazaly.kz ақпараттық агенттігі
» » «Қайсар» Қазақстан кубогының иегері атанды

«Қайсар» Қазақстан кубогының иегері атанды

Бүгін елордада футболдан Қазақстан кубогының финалы өтті, деп хабарлайды ҚазАқпарат тілшісі.
Финалдық кезеңде Қызылорданың «Қайсар» және «Атырау» командалары кездесті. Бүгін елордада футболдан Қазақстан кубогының финалы өтті, деп хабарлайды ҚазАқпарат тілшісі. Финалдық кезеңде Қызылорданың «Қайсар» және «Атырау» командалары кездесті. Екі команда да биыл кубок ойындарында сәтті ойын көрсетті. Жарыстың үш сатысынан іркілмей өтті.
Бүгінгі кездесуде екі клубтың да гол соғатын мүміндіктері болды. Бірінші кезеңде мұндай мүмкіндіктерді екі команда да тиімді пайдалана алған жоқ. Екінші кезеңде, 67-минутта, атыраулық Петр Гжельчак өз командасын алға шығарған еді. Бұдан кейін көп ұзамай «Қайсардың» капитаны Асхат Тағыберген алаңнан қуылды. Он футболшымен ойнағанына қарамастан 88-минутта қызылордалық команда сапынан Игорь Зенькович таразы басын теңестірді.
Бұдан кейін қосымша тағы екі кезең қосылды. Бұл кезеңде қызылордалық Думан Нәрзілдаев 122-минутта өз командасына жеңіс сыйлады. Осылайша «Қайсар» қарсыласын 2:1 есебімен жеңді. Нәтижесінде биылғы Қазақстан кубогының иегері атанды.
Қызылорданың «Қайсары» сырт алаңда 1/8 финалда «Оңтүстік академиясын», ширек финалда Павлодардың «Ертісін» жеңіп кетті. Қызылордалық футболшылар жартылай финалда Қостанайдың «Тобыл» командасын сүріндірді.
«Қайсар» командасы 1999 жылы кубокқа ие болып, ол жолы Өскеменнің «Востогынан» 2:1 есебімен басым түсті. 1998 жылы финалға дейін жетсе, 2007 жылы жартылай финалда бақ сынады. «Атырау» 1/8 финалда Талдықорғанның «Жетісу» клубын қапы қалдырды. Одан кейін ширек финалда Семейдің «Алтайын» ойын соңындағы пенальти тебуде артта қалдырды. Жартылай финалда атыраулықтар «Ордабасы» командасын жеңіп кетті.
«Атырау» 2009 жылы кубок иегері атанды. Сол жолы Қарағандының «Шахтерін» 1:0 есебімен жеңген болатын. Соңғы екі жылда финалға дейін жетті.
Сондай-ақ, 2001, 2004 және 2005 жылдарда жартылай финалға шыға алды.
syrboyi.kz
07 қазан 2019 ж. 744 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031