Доллар курсы тағы қымбаттады
Қазақстан қор биржасы (KASE) 15:30-да доллардың орташа сараланған бағамы 0,87 теңгеге қымбаттап, 511,71 теңгені құрағанын хабарлады, деп хабарлайды Stan.kz ақпарат агенттігі.Таңғы саудада доллар бағамы 511,06 теңге болды. Ұзақ үзілістен кейін еуромен де сауда жүріп, оның орташа сараланған бағамы 570 теңгеге, ал сауда көлемі 49,43 миллион еуроға жетті. Ұлттық банк ресей рублінің ресми бағамын 4,42 теңге деп белгіледі, ол бойынша сауда-саттық жүргізілген жоқ. Ақша айырбастау орындарында доллар 515-520 теңгеден, еуро 597-605 теңгеден, ресей рублі 4-5 теңгеден сатылуда.
