Жалақы 1 шілдеде көтерілмейді: Тоқаев үкіметке тапсырма берді
Бюджет саласы қызметкерлерінің жалақысы 1 маусымда өседі. Қазақстан президенті Қасым-Жомарт Тоқаев жалақысы төмен қызметкерлердің айлығын 1 шілдеден емес, 1 маусымнан бастап көтеру туралы тапсырма берді, деп хабарлайды Sputnik Қазақстан.Бұл туралы мемлекет басшысы твиттердегі парақшасында жазды.
"Үкіметке бюджет саласындағы жалақысы төмен қызметшілердің жалақысын көтеруді 1 шілдеден емес, 1 маусымнан бастау туралы тапсырма бердім", - деп жазды Тоқаев.
Оның айтуынша, бұл шешім бір миллионнан астам азаматтық және мемлекеттік қызметшінің жағдайының жақсаруына тікелей әсер етеді.
Еске сала кетсек, ақпан айында Нұрсұлтан Назарбаев бюджет саласы қызметкерлерінің жалақысын 2019 жылдың 1 шілдесінен бастап 30 процентке көбейтуді тапсырған болатын.
