Қазалы Қазалы аудандық қоғамдық-саяси газет
» » Зейнетақы қорындағы ақшаны кімдер толық шешіп ала алады?

Зейнетақы қорындағы ақшаны кімдер толық шешіп ала алады?

Қазақстанда қазіргі қолданыстағы заңнамаға сәйкес, 2018 жылдың 1 қаңтарынан бастап зейнетақы жинағы ай сайын төленеді. Бұл зейнеткерлердің жиынтық зейнетақысын көбейтуге және төлемді алу мерзімін ұзартуға септігін тигізеді, деп жазды Sputnik Қазақстан.

Зейнет жасына толғаннан кейін шоттағы ақша ең төменгі зейнетақының 12 еселенген мөлшерінен аспаса, онда бірден толық көлемде шешіп ала аласыз.

2019 жылы бұл сома 433 296 теңгеге тең, яғни барлық жинаған зейнетақыңыз осы сомадан аспаса, толық алуға мүмкіндік бар деген сөз.

Зейнет жасына жеткен салымшылар және І, ІІ топтағы (өмір бойына мүгедек болып қалғандар) мүгедектер зейнетақы жинағын кесте бойынша ала алады.

Зейнетақы аннуитеті ерлер мен әйелдерге зейнетке ерте шығуға мүмкіндік береді. Зейнетақы аннуитетін сатып алу үшін сақтандыру компаниясымен келісімшартқа отырасыз. Бірақ, ең алдымен шотыңызда зейнетақы аннуитеті келісімшартын бекітуге жеткілікті ақша болуы керек.

Егер ақшаңыз жетіп тұрса, ерлер 55 жастан, ал әйелдер 2019 жылы 51 жастан зейнетке шыға алады. Айта кетсек, әйелдердің жасы біртіндеп 2027 жылы 55 жасқа дейін өседі.

Сақтандыру компаниясына аударылуы тиіс қажетті соманы есептеу үшін enpf.kz сайтында орналасқан зейнетақы калькуляторын қолданыңыз.
05 наурыз 2019 ж. 765 0

Жаңалықтар мұрағаты

«    Қазан 2019    »
ДсСсСрБсЖмСбЖс
 123456
78910111213
14151617181920
21222324252627
28293031