Жастар жемқорлыққа қарсы

"Нұр Отан" партиясы Қазалы аудандық филиалының ұйымдастыруымен сыбайлас жемқорлыққа қарсы іс-қимылдың 2015-2025 жылдарға арналған бағдарламасында қоғамда сыбайлас жемқорлыққа қарсы мәдениетті, білім беру мен тәрбиелеуді қалыптастыру, қоғамда сыбайлас жемқорлыққа қарсы иммунитетті тудыру, жас ұрпақты жемқорлықсыз болашаққа тәрбиелеу мақсатында "Достық" бастауыш партия ұйымының № 170 орта мектеп топтық ұйымында "Жастар жемқорлыққа қарсы" атты іс-шара болып өтті. Аталған шараға аудандық партия филиалының консультанты Иманалиева Гүлдәрі Тасболатқызы, "Достық" бпұ мүшелері және мектеп оқушылары мен БАҚ өкілдері қатысты. Жемқорлыққа қарсы күреске арналған шара барысында аталған мектептің "Адал ұрпақ" клубының ерікті жастары түрлі қойылымдар арқылы сыбайлас жемқорлыққа өздерінің көзқарастарын білдірді.